Childline ar gyfer pobl ifanc sy’n siarad Cymraeg
Mae llawer o gyngor a chefnogaeth ar gael ar ein gwefan hefyd
Mae modd cael gwybod mwy am y gwahanol broblemau sy'n effeithio ar bobl ifanc ar ein tudalennau yn Info and Advice.
Beth am ymlacio neu wneud rhywbeth gwahanol i dynnu’ch sylw drwy chwarae gêm, gwylio fideo neu greu eich gwaith celf eich hun.
Gallwch gael cefnogaeth gan bobl ifanc eraill sydd mewn sefyllfaoedd tebyg i chi.
Siarad â ChildLine yn Gymraeg
Os hoffech siarad Cymraeg â chwnselydd, gallwn drefnu hyn i chi.
Mae gennyn ni nifer o gwnselwyr sy’n siarad Cymraeg.
Cysylltwch â ni (drwy ffonio 0800 1111 neu drwy fynd ar-lein) a rhowch wybod i ni y byddech chi’n hoffi siarad â rhywun yn Gymraeg (a fyddech cystal â dweud hyn yn Saesneg i ddechrau).
Os bydd cwnselydd sy’n siarad Cymraeg ar gael, gallwch siarad â’r cwnselydd ar unwaith.
Os nad oes un ar gael, byddwn yn gofyn i chi ffonio'n ôl ar amser penodol pan fydd cwnselydd sy’n siarad Cymraeg ar gael.
Efallai y byddwn yn gofyn am eich enw, ond does dim rhaid i chi roi eich enw iawn i ni. Mae hyn er mwyn i ni wybod pwy ydych chi pan fyddwch chi’n ein ffonio ni’n ôl.
Cyfrinachedd
Mae cyfrinachedd yn golygu peidio â dweud wrth neb am beth rydych chi wedi'i ddweud. Rydyn ni bob amser am gadw popeth y byddwch chi’n ei ddweud wrth Childline yn gyfrinachol, sy’n golygu y gallwch chi deimlo’n ddiogel wrth siarad â ni.
Os ydych chi’n poeni am eich diogelwch chi neu ddiogelwch eraill, byddwn yn trafod a ddylai unrhyw un arall gael gwybod. Dim ond os ydyn ni'n teimlo ei fod yn argyfwng ac yn teimlo y gallech chi fod mewn perygl y bydd Childline yn gwneud hyn. Byddwn ni’n siarad am hyn â chi yn gyntaf.
